January 22, 2024
Kei te whakahē rawa a Ōkahu Inuāwai hapū ki ngā mahi whakatū pūrere kapo hau
Posted On January 22, 2024
0
Kei te whakahē rawa a Ōkahu Inuāwai hapū ki te hiahia a te kamupene hiko a Hiringa ki te whakatū i ngā pūrere kapo hau ki mua i tō rātou tupuna maunga o Taranaki.
Koia ngā kōrero i puta i te Tiamana o te hapū i a John Hooker, ā, kei te kawea e rātou tētahi kerēme ki te ‘United Nations’ mō te take nei.
Hai tā Hooker, nā te muna o ngā mahi kōkiri ā ngā Kamupene hiko a ‘Hiringa Energy’ rātou ko ‘Ballance Agri-Nutrients’ i whakatau ai ngā hapū o Ngāruahine kia whai rautaki kē atu e rongo ai te ao i te tapu me te hiranga o Te Kāhui tupua ki āna uri.