January 18, 2024
Shane Jones | Mā te mārama ka mōhio ngā rangatira Māori he aha te aha
Kei te whakahē mārika te minita kāwanatanga o Aotearoa Tuatahi i te whakaaro pōhēhē kei ngā heamana Māori o te motu ki tōna kāwanatanga haumi e takahi ana rātou i te mana o te reo me Te Tiriti o Waitangi i mua i te hui ā-motu ki Tūrangawaewae i tēnei wiki.
Koia ngā kōrero a Shane Jones ki Te Reo Irirangi o Aotearoa, hei tā Jones kāore anō ngā rangatira Māori o te motu nei kia pānui, kia te mōhio rānei i te hōhonu i te pāpaku rānei o te waekanaetanga kei waenga i ngā pāti e toru kua tū hei kāwanatanga.
Hei tā Jones me pānui rātou i taua waekaenatanga tōrangapū kia mārama tika rātou ki ōna take katoa, ki ōna kai ō roto anō hoki i mua i te takahi, i te wero i tōna kāwanatanga.
Ka mutu e mea ana ia, he whakaaro nui tōna otirā, ko tōna kāwanatanga ki te reo me Te Tiriti engari kaua e whakamahia te reo hei mōkai, hei karetao, hei pokokohua pēnei i ngā tau kua hori ki ngā tari kāwanatanga.