January 19, 2024
Te Kura Maninirau | He rā mō te whānau
Kia tupu ngā mahi maninirau ki te hunga taiohi, kia whai wāhi atu rātou te tūhura i te ao whakaari.
Koia te kōrero a te kaihanga takirua o Te Whare Whakaari o Te Pou, koia ko Tainui Tukiwaho me te whāinga o tā rātou rā mō ngā whānau.
Kua piri ngātahi rātou me te ohu maninirau a The Dust Palace kia pua mai ko Te Kura Maninirau, he kura mō ngā tamariki me ngā taiohi 7 ki te 14 tau, ā, nā te tutuki pai o tētehi rā mō ngā whānau i tērā tau, ka tū he rā anō a te Rātapu.
Hei tā te kaiwhakahaere o te kaupapa, hei tā Natasha van Etten, e 30 ngā taiohi Māori ka haere ki ngā akoranga ia te wiki.
Hei tāna anō, he momo tūāpapa ngā rā whānau mō te kura, ā, e āhei ana ngā tauira te whakātuhia i ngā mahi kua akongia e rātou. He whāinga hoki te rā kia kukume mai i ngā taiohi kāhore anō kia piri ki te kaupapa.
Ka tū te kaupapa mai i te 10 ata mai ki te 3 ahiahi mai ki Te Whare Whakaari o Te Pou ki Tāmaki Makaurau.