August 21, 2023
Ko tēnei papakāinga te whakatinanatanga o ngā moemoeā a ngā tūpuna
Kua puakina ngā tatau ki ngā papakāinga hou I Motueka, a, e 20 ngā whare I hāngaia I tērā papakāinga, ka pōhiritia e te marae o ‘Te Awhina’ ngā kainoho hou o ngā whare rā.
E ai ki te Māngai I ‘Te Awhina Marae’ e ai ki a Pohe Stephens kei te puta mai ngā hua i wawatahia e ngā pakeke o te marae o ‘Te Awhina’ hai pāinga mō te oranga o te tāngata.
” Kua roa tēnei kaupapa e moemoeāhia ana e ngā whānau o tō mātou marae, mahara nei au i te wā i au e tamariki ana i te kōrero o mātou kaumātua o ērā wā mō te whakatūnga mai o tētehi papakāinga i runga i te papa whenua, a, i tēnei tau ka whakatīnanahia taua moemoeā”