August 21, 2023
Murua ngā hara o te karauna, kia motuhenga ngā whakapāhā
I te 17 o Ākuhata i tae atu ngā māngai me ngā uri o ‘Te Whakatōhea’ ki Paremata ki te whai whakamanatanga o ngā hara huhua o onamata a te karauna i ngā wā o mua, ā mohoa noa nei.
Hai tā te Mangai o Te Whakatōhea hai tā Te Kahautu Maxwell i tū te pānuitanga tuatahi mō te pire o ‘Te Whakatōhea’, a, i tēnei pire ko te aronganui kia tukuna tētahi whakapāhā motuhenga e te Kāwanatanga mō ngā tūkinotanga huhua a te karauna nō ngā rau tau kua hipa tae atu rā ki ēnei wā nei.
” Kua 183 tau mai i te wā i hainatia te Tiriti o Ōpōtiki ki Ōpōtiki i te 27 o Mei 1840, mai i te raupatutanga i ō mātou whenua me te kōhuru i ō mātou tipuna kua 157 tau mai i tērā takahitanga ā te karauna i te Tiriti o Waitangi me ōna ātikara”