May 09, 2024
Kawariki Morgan | Koia kei ngā rangatahi te mau i ngā mahi kapa haka
E tohu ana te tokomaha o ngā taiohi ku’ uru atu ki te kapa haka o Ngā Tūmanako e whanake ana ngā mahi kapahaka i ngā kura o Hoani Waititi.
Koia ngā kōrero a te Pouwhakahaere takirua i te kapa haka o Ngā Tūmanako a Kawariki Morgan nō mua mai i te whakataetae kapa haka ā-rohe o Tamaki Makaurau, ka tū a te wikene nei.
Hei tā Morgan, he whiwhinga nui nōna, nō te kapahaka anō hoki.
E 25 ngā kapa ka tū. E 6 ngā kapa ka haere ki Te Matatini.
Hei tāna anō hoki, ‘ko te rerekētanga nui pea ko te kuhunga mai o ngā kaihaka rangatahi nei ki tēnei terenga i haere atu ana ki tēnei whakataetae ā-rohe o Tāmaki Makaurau. Kua nui ake ngā raukura o Te Kura o Hoana Waititi e kuhu mai ana me te pai hoki, me te waimārie o tēnei kapa i te kite i ngā reanga o ngā tamariki o te hunga nā rātou tēnei kapa i timata.’