May 03, 2023
Ko ngā hua o te mātauranga Māori: Ki te iwi i te tuatahi
Me haere ngā hua rangahau e puta nei i te mātauranga Māori ki te iwi i te tuatahi, kaua ki ngā kamupene Pākehā e hiahia ana ki te whakaarumoni i ngā kitenga.
Koia nei te kī a Kakahurimu Paekau, pou whakahaere o Kanapu, he kaupapa poipoi kairangahau, whai muri i tētehi hui ā-ipurangi mā ngā mātanga mātauranga o te motu i tērā wiki.
Hei tā Paekau, he nui te hiahia o ngā kaumpene Pākehā me ngā kamupene whare wānanga ki te whakaarumoni i ngā hua o aua rangahau, heoi me tiaki ngā kairangahau i te mana whakairo hinengaro o aua hua.
“Ko te mea nui kia kimi rātou i ngā painga o roto o ngā hua kua puta i te rangahau, tērā ki te intellectual property. Me mōhio ka tika tātou ko mātou ngā hapori Māori kimi ana i ngā mea tika, pono, ka tahi. Ka rua, ka tonotono mai ngā Pākehā ki a tātou ka taea e rātou te whakamahi i nga mahi i rangahaua e ngā kairangahau, ko te IP.”
Whakarongo ki te uiui katoa ki konei.