February 08, 2024
Shane Jones | Me tika ngā tari kāwanatanga ki te hiki i te mana tangata i mua i te mana reo
Me tika ngā mahi a ngā tari kāwanatanga i mua i tō rātou whakamahi i te ingoa Māori pēnei i a Oranga Tamariki.
Koia te kōrero a te mema pāremata o Aotearoa Tuatahi a Shane Jones, i te hiahia o tōna pāti ki te whakatika i te mana o te reo Māori e takahia ana e ngā tari kāwanatanga.
E ai ki a Jones mātua rā ko ngā mahi kua oti i aua tari me ine, kaua noa iho mā te tapa ingoa Māori.
E ai ki a hoki, “nō te wā i a Jacinda [Ardern] tērā āhua i tīmata ai tēnā pea wētahi ō tātau e hari ana kia rongo kia kite i tētahi whakanikoniko Māori i runga i te tari kāwanatanga engari māku tēnei kōrero ki a koe e tama [kaiuiui] ahakoa titia te rīngi ki te ihu o te poaka he poaka anō te poaka take tēnā ōku kī ai me whakarerekē i te wairua me whakarerekē i te tinana katahi koe ka kite i te pai o ngā hua ka puta kaua rawa atu e pōhēhē mā te rīngi ka titia ki te ihu o te poaka ka ātaahua mai ai te poaka.”