May 09, 2024
Te Hamua Nikora | Ko te mahi tahi ki a Microsoft mō te oranga nui o Ngāi Māori
Ko te mahi tahi te kamupene hangarau a Microsoft me Te Tumu Paeroa ki te tiaki i ngā raraunga motuhake ki te ao Māori.
Hei tā te Pou Tikanga o Te Tumu Paeroa a Te Hamua Nikora, he tino pai tēnei hononga mō te iwi Māori nā te mea ka taea tātou te āta rangahau i ngā raraunga e hāngai pū ana ki a tātou.
Hei tāna anō, ko te whāinga matua o te ohu kia hāpai i ngā whenua Māori, ā mā te mahi tahi me Microsoft e tutuki ai te wawata nei.
Hei tāna anō, ‘he nui tonu ngā āheitanga ka whakamahia ko ngā āhuatanga kapua e oti ai tā mātou kaupapa arā te taunaki me te tiaki i ngā whenua Māori mō ināeanei mō āpoōpō hoki arā te whakamahi hangarau hōu kia kitea ngā āheinga e ora ai te whenua. Mā konei ngā kaipupuri whenua mē o rātou whānau whai pānga atu ai i ngā pārongo tau nekeneke mai whenua. Tā mātou honohanga ipurangi mō ngā kaipupuri. Ka āhei hoki te āta titiro i te maha hoki o ngā raraunga e pai hoki a mātou whiriwhiri whakaaro.