May 10, 2024
Take Hiko | Me pēwhea e kā tonu ai ngā raiti i te wā o te makariri?
Nō te ata pongipongi nei ao ake a Aotearoa ki te ngau a Hinetakurua, me te mahara ake ka whati pea te hiko i ētahi wāhanga o motu.
Waihoki, kei te kōkiri te minita take rawa a Shane Jones, i tana pire e keri anō ai ngā kōhauhau, ngā waro, me te hinu e rere tonu ai he hiko ki ngā whānau me ngā kamupene.
Hei tā Jones tonu, he tuaruatanga te mahi a tana pire kia kaua te hiko e whati.
“ko te whakarerekētia e māua me mātau ko te kāwanatanga ngā wāhanga o te ture. E pā ana ki ngā mau pūngao erangi rawa ko te kapuni ka mutu he āwangaawanga nō mātau ki te kāhore tēnā huarahi e whakawāteangia me pēhea rāini ngā raiti e kā tonu ai mēnā kāore he kapuni hei whakamahi mā te ao pakihi mā ngā kamupene hoko hikohiko noki, nā eke rawa ki te wā ka kore te ua e heke ka kore te mea te hau te matangi e pupuhi.”