May 02, 2024
Take Tūruhi | He kāreti hōu kua whakarākei kia Māori tōna hanga.
Mā te huruhuru ka rere te manu, mā te manu ka rere te tereina i Te Tiritiri o te Moana arā te TranzAlpine a KiwiRail.
Nōna nahi nei rere ai te kāreti i whakarākei ki te kōwaiwai manu, hei kaitiaki i ōna pāhihi ariki i tō rātou haerenga i waenga i Ōtautahi me Māwhera.
Nā te kamupene a Auaha, ngā kōwaiwai i whakarite, ā hei tā te māngai i te whakahōutanga, hei tā Anzac Russell, ko te tino tikanga o ngā mahi he whakaatu i te kaha a te Māori ki te tiaki i ōna manuhiri.
“Ka whakatō e mātau te whakaaro rangatira ki te ngākau o te kaupapa ko te whakaaro he manuhiri nā reira ahakoa he kupu tahi anake he hōhonu rawa atu te whakaaro o manuhiri.”