March 20, 2024
Kīngitanga | E wero ana te kīngi ki ngā pāti tōrangapū ki te mahitahi
Mā whero, mā pango e oti ai ngā mahi, koia te wero a te Kīngitanga ki ngā kaitōrangapū i te whare mīere i Te Whanganui-a-Tara, kia rangatira ake te noho a ngā iwi katoa i tēnei motu.
Koia te kōrero ā te māngai o te Kīngitanga a Ngira Simmonds.
Hei tāna, kei te whakakipakipa a Kīngi Tūheitia i ngā mema pāremata kia whai whenua taurikura e kotahi ai te whakaaro, e kotahi ai te motu.
Hei tā Simmonds anō, “nā reira ko te wero a Kīngi Tūheitia ki ā rātau me hui he aha koa ngā rerekētanga he aha koa kīhai rātau i noho i rung ai te whakaaro kotahi i ngā wā katoa ki te kore te ringa matau e kōrero ki te ringa mauī e kore e taea te noho i te whakaaro kotahi. Nō reira koia ko te wero ki ngā pāti tōrangapū katoa me kōrero me wānanga ki te whare mīere ki Pōneke.”