July 31, 2023
Te Tokoono Tapu o Mana Mokopuna
Kua whakatauhia ngā kaikomihana tamariki hou o Mana Mokopuna ki ā rātou turanga i tētahi pōwhiri ki te marae o Waiwhetu i te Awa Kairangi i ngā rangi tata nei.
Ko Judge Frances Eivers tonu ka noho hei kaikomihana, ā, kei tōna taha ināeanei, ko Takuta Claire Achmad rātou ko Takuta Julie Wharewera-Mika, ko Donna Matahaere-Atariki, ko Ronelle Baker, ko Josiah Tualamali’i.
Hei tā te Kaitohu Māori Matua o Mana Mokopuna hei tā Rukuwai Tipene Allen, ko te painga ake o ēnei kopouatanga, ko te mea nei ehara mā Judge Eivers anake ngā mahi katoa e tutuki, engari kē he hoa tautoko āna ināeanei.
“Ko ia o ēra tāngata kei a ia āna ake pukenga hei kaikomihana, ka kore e taka ki tētahi nahe nei hei kawe atu i ngā kaupapa nui whakaharahara mā ngā mokopuna ko te mea kē he tokoono iāianei, ka kōkiri, ka whakawaha, ka whakapāoho atu i ēra hiahia o ngā mokopuna puta i Aotearoa.”