Kua tau te Pīka o te Whare ki te Kura ā-Iwi o Whakatupuranga Rua Mano

Waatea Team Tanira Cooper

Download Audio

Kei tōna tau tuarima te kaupapa a te Pīka o te Whare Paremata, ko tāna he toro haere ki ngā kura o te motu ki te whakaatu i ngā tuwhai āhua o te noho a te Pāremata.

Nō te wiki nei tau atu ai te Pīka, tōna hōnoretanga Adrian Rurawhe, me ētahi mema Pāremata ki te Kura ā-Iwi o Whakatupuranga Rua Mano i Ōtaki, ā, hei tā tētahi o ngā kaiako o te kura, hei tā Tanira Cooper, he nui ngā hua kua kite i te kaupapa nei.

Hei tāna, he rawe hoki te kite i te koa a ngā tamariki nā ēnei mahi.

“Mō te tae ā-tinana, te kōrero ngātahi, hā ki te hā, kia rongo hoki i ngā tamariki he tangata noa iho ēnei tāngata. Engari ko tētahi o ngā whakaharaharatanga pea o ēnei tāngata kua whai take rātou i te ao nei, nō reira te kite atu ā-kanohi, ā, te rongo ā-tinana i tērā momo mauri i a rātou, i tino hīkaka ngā tamariki.”

Whakarongo ki te uiui katoa ki konei.

RELATED NEWS

Kei te patua haeretia te whetū ō te kapa Magic Mē aro ki te āhua ō te taiao Kai mate te tangata i runga i ngā huarahi