Listen Now: 
Download AudioKāore a Parihaka i te paku whakaae ki ngā mahi whakatōmene a ngā kaporeihana kāpuni, ngā kaporeihana hinu anō hoki i tō rātou rohe. Engari kē hoki ko te hiahia ko te whakarāhui i ngā whenua katoa mai i te maunga ki te moana, tōna 45,000 eka te rahi, pēra tonu i ngā hiahia o ō rātou tupuna i te tau 1879.
Koia te kōrero a te heamana o te Tarahiti Papakainga o Parihaka, a Tuhiao Bailey. Hei tāna, ko te mate nui ki a ratou ko te kore korero a te kawanatanga ki a ratou i te tuatahi.
“Kāore rātou i kōrero ki a mātou anō. I kite mātou i a rātou hiahia ki te ipurangi. Nā reira, āe, i tuku reta mō te wā tuatoru ki a rātou ki te kī he pai tō koutou whakarāhui tētahi iti huri rauna i te pā engari ehara tēra ko Parihaka anake, he rohe nui, mai i te maunga ki te moana, kei te pirangi mātou ki te rāhui ki tēra wāhi o ngā hiahia o ngā tupuna, tērā 45,000 acres, koira te hiahia.”
RELATED NEWS
