Listen Now: 
Download AudioNō ngā rā tata nei, i hinga te whaea kēkē o Kīngi Tūheitia, arā a Te Aroha Tairākena, e karangahia ana ko Roha, e waru tekau mā whā ōna tau, waihoki, ko ia te teina o te whaea ake o tō tātou kuīni Māori, o Te Arikinui Te Atairangikāhu.
He wahine rangatira a Tairākena nō te kāhui ariki, he wahine i ngākaunuita e ōna iwi o Tainui, ka mutu, he kaiako hauora ia ki Ngāruawāhia, he kanohi kitea ia i ngā haeranga a te Kīngitanga i ngā marae maha i te motu.I tēnei wā tonu kei te takoto te taonga o mate ki runga i tōna marae o Tūrangawaewae, i te wharenui o Pare Hauraki.
Kia whakawhiti atu mātou ināianei ki a Mamae Takerei hei hokinga mahara mōna ki tēnei tino kuia o roto o Tainui waka.
