June 27, 2023
Manako – Dr Wayne Ngata
Nāwai i hē, ka hē kē atu, kua karawhiu te marangai, kua waipuke anō ngā kōawaawa i Te Tairāwhiti. I te tīmatanga o te tau nei huripari Hale tērā i tau atu ki Tūranganui-a-Kiwa, nō muri ko huripari Gabrielle, i aituā hoki nei i Te Tai Rāwhiti, otirā, i motukina hoki ngā huarahi, i horomia te whenua, i te mate hoki ētahi tangata. Kua hiki te noho tūohotata ki ngā haukāinga ki Te Tairāwhiti, i ngā tāone o Tūranganui-a-Kiwa, o Uawa, o Tokomaru ērā i herea e ngā ākina nei, heoi kei reira tonu a māharahara e huri haere ana mō te tūpono ka kino kē ake ngā karawhiu a te matapae huarere hai ngā marama e kainamu mai nei.
Hai tā te haukāinga nō Uawa hai tā Tākuta Wayne Ngata “Kia kaha! koirā noa iho te kupu akiaki āku ki ngā uri o Te Tairāwhiti, kia kaha ki te tiaki i a mātou anō kia kaha hoki te tiaki i ngā kāinga o tēnā o tēnā o mātou e noho nei i tēnei tai, he āhuatanga hou tēnei, he hou te kaha o te marangai .”