June 27, 2023
Manako – Isaiah Wallace
I riro i a Ngāti Maniapoto te whakahaere i tō rātau hautapu tuarua hei whakanui i Te Mātahi o Te Tau ki Te Tokanganui-a-Noho marae, arā ki te pā o Te Kūiti.
Waihoki, i riro mā ngā rangatahi me ngā pakeke anake ēnei tikanga hei whakahaere, ka mutu hei kawe. He nui te tautoko a ō rātou kaumātua o Maniapoto kia riro mā te rangatahi ēnei tikanga hei whakatinana.
Hai tā tētahi o te ohu kaikarakia hai tā Isaiah Wallace he nui ngā hua i puta i te hautapu heoi anō i mataamua te whakawhanautanga.
“Ko tētahi pāinga ko te kite i ō mātou kaumātua ō tātou tamariki e whakanui ana i a Matariki i runga i te wairua harikoa i runga i te wairua pai, mā te kite i ēnei tūāhuatanga ka māmā ake mō ō tātou tamariki te kawe te hāpai anō hoki”.