May 06, 2024
Charlie Tawhiao | E tika ana kia tū a Ria Hall hei Kahika mō Tauranga Moana
Tukuna te rangatahi kia tū, kia whanake.
Koia te kōrero a te Heamana o Te Rūnganga o Ngāi Te Rangi a Charlie Tawhiao me tāna tautoko atu i te hiahia a te kaiwaiata rongonui a Ria Hall kia tū hei Kahika mō te rohe o tauranga Moana.
Hei te 20 o Hongongoi ka tū ngā kōwhiringa pōti mō te rohe, nā ko tā Tawhiao, haramai tētehi āhua!
Hei tāna, e tika ana kia whai a Hall i ngā tapuwae a ērā atu wāhine e noho ana ki ngā tēpū kaunihera o ā rātou rohe.
Hei tāna anō, ‘ehara i te mea koia anake te hunga wahine Māori e tū ana ki ngā tūru pēnei. Ka kite au i a Te Arawa i Rotorua, kei reira tērā wahine toa e tū ana mō rātou. Kei Pōneke anō tētahi. Kua tae pea ki te wā mō tērā reinga e tū ana me te kī; anei mātou, mā mātou hoki e tiaki i a koutou katoa o te hapori. Iwi Māori, iwi Pākeha, ā ko wai rānei, ko tāna titiro e titiro whānuitia.’