May 06, 2024
Hone Harawira | Nā te ao Māori i kawe i te hīkoi Takutai Moana i te tau 2004
Ku’ 20 tau mai i te Hīkoi Takutai Moana i kite ai te kotahitanga o Ngāi Māori me ā rātou whakahē i te kaupapa here a Reipa e kī anei ko te Pire Takutai Moana.
I kaupare atu te kaupapa here i a Ngāi Māori kia mau i ngā whenua ki raro i ngā ture o te Kōti Whenua.Nā Ngāti Apa nō Te Tau Ihu o Te Waka te whawhai tuatahi ki te kāwanatanga ēngari ko tā tētehi o ngā kaikōkiri o tērā kaupapa nui whakaharahara a Hone Harawira, ehara i te mea ko rātou anake i whawhai.
‘Koia te tino hiahia o te ao Māori. I rongo nei au i a Kahungunu i a Te Arawa, i a Tainui, i a Taranaki, i a Ngai Tahu i a Ngā Puhi, Ngāti Whātua, i ngā iwi katoa e karangahia mai ana kia tū kotahi mātou te whakakāhoretia i ngā mahi a te kāwanatanga. He aha tērā tū? He aha te āhua o tērā tū kotahi? Koia ko te hīkoi. Mā tērā ka mōhio ahau, e tika ana kia hanga i tērā, mā mātou e whakahaere, ēngari mā ōkū hoa o te ao hīkoi, o te ao ūwhenua, o te whawhai ki te kaikiri kia hāpai te hīkoi i roto i tā rātou ake taone.’