April 26, 2023
He tōtara wāhi rua ki Te Araroa
Kāore te tokomaha o ngā tāngata o Te Araroa e hiahia ana ki tētehi tauranga kaipuke kawe rawa pēnei i ngā poro rākau, ngā kōwhatu hoki i te wahapū o Karakatuwhero.
Koia nei te kī a Kararaina Ngatai-Melbourne nō Te Whānau a Hinerupe mō te tauranga, he kaupapa tērā nā te tarahiti ahu whenua o Te Rimu. Hei tā Ngatai-Melbourne, nā runga i te tono tōtika atu ki te kāwanatanga kia whakaāetia te tauranga, i pēhi ai te reo o te hunga whakahē.
Hei tāna, “I raro i tēnei momo whakaāetanga, ka haere tōtika te tono ki te whakatū i te wāpu ki te kāwanatanga. Ka noho rātou ki tō rātou tēpu tōrangapū, ki reira whakatau ai ka tū te wāpu, kāore e tū te wāpu rānei. I tēnei wā, i āhua aukati te reo o te mana moana, o te hapū, o te ahi kā o te hau kāinga o Te Araroa.”