February 12, 2024
Ian Marino Tauhinu | He ingoa hōu, he rangi hōu
He ingoa hōu, he kura hōu, e tui ai ngā hononga maha i te maru kotahi. Koia te kōrero a te tumuaki i te Kura Kaupapa Māori o Ngā Papaonekura, a Ian Marino Tauhinu, whai muri i te takinga o ngā kawa ki ō rātou whare hōu i te Paraire.
Hei tā Marino-Tauhinu, i ruruku hōhonu ngā whakaaro o te kura, kia tapa he ingoa hōu hei taura here i ngā tauira me ngā whānau ki te kura.
Hei tāna ko te tīmatatanga me hoki ki Hawaiki rānō, “te nui o te wā ēnei momo kura he kura mātāwaka nā reira i te whakaaro ake he ingoa te whakakotahi i ngā whakapapa ngā mana o tēnā o tēnā nā reira ka kōrerohia mō ngā papa onekura ngā papa i Hawaiki ngā papa i ū mai ai ngā waka katoa i Hawaiki tae noa mai ki Aotearoa nei. Nō reria he ingoa hei kapo ake i ērā whakaaro ngā onepū i Kurawaka te wāhi i tātaia e ngā uri tātou te ira tangata.”