September 01, 2023

E rima paua anake ināeanei: Bayden Barber

Reuben Epiha Posted On September 1, 2023

Waatea Images

Reuben Epiha Bayden Barber

Download Audio

E hurō ana te iwi o Ngāti Kahungunu i te whakataunga a Te Tini a Tangaroa kia whakahauruatia te nama paua e taea te kohi ki a rātou tātahi.

Koia te kōrero a te heamana o te iwi a Bayden Barber ki tō mātou hōtaka o Manako. Hei tana, nā te nui o ngā tangata ruku, me te iti o ngā nama paua, e mimiti haere ana te taonga nei ki a rātou takiwā.

Anei ngā kōrero a Bayden Barber.

“Harikoa te ngākau, ko mātou ngā hapū o te takiwā rā kua tohe nei ki te kāwanatanga, nā runga anō i te tirohanga atu i te ahuatanga o ngā paua, kua mimiti haere, nā runga anō i te tokomaha o ngā tāngata ka haere ki te tango ki te ruku moana kua tangohia nei ēnei taonga a tātou nō reira kua whakaaetia ki tā mātou i tono, ae, tēra te whakaheke nei i te nama o ngā paua ka āhei te tangata te tango.”