He wawata mō te Tahua Pūtea

Kawe Roes Hohepa Campbell

Download Audio

He nui ngā tāmitanga kei ngā kura kaupapa Māori heoi ko te manako, he painga ka kitea hei pānuitanga o te Tahua Pūtea āpōpō. Koia te kōrero ā te kaitakawaenga o Te Rūnanganui o Ngā Kura Kaupapa Māori, a Hohepa Campbell.

Ko tētahi o ngā kitenga nui a ngā kura kaupapa, ko te mimititanga o te pūtea tautoko ki te kaiako ārahi i te ako, hei āwhina i ngā tamariki hauā.

Hei tā Campbell, ko te wawata nui ka rahi ake te whiwhinga pūtea mā ngā kura kaupapa, kia rahi ake anō te rārangi kaiako arahi i te ako.

Hei tāna, “Me kī, he kaiako ārahi i te ako, ki te reo Pākehā he Learning Support Coordinator, i te mea i te tau 2019, i whakatapua e te karauna, e te kāwanatanga, takiwā 600 tūranga nei, ko te whiwhinga iho ki ngā kura 2.5 anake ngā kaiako ārahi i te ako.”

RELATED NEWS

He mahere tiaki whenua Kia tupato ā te pō nei Kāhore e pai ana kia hokona atu te waipiro ki ngā hāpori ō te tonga