May 17, 2023
He papaku ngā kupu tōrangapū: Samuels
Ahakoa rānei ngā ōhākī a ngā pāti, ahakoa rānei ngā whakahē a ngā pāti, ka huri kē ngā kōrero, hei ngā wiki tata ake ki te kōwhiringa pōti. Koia te korero a te mema o mua o Reipa a Dover Samuels.
Hei tāna, kua hōhā katoa ia i te whakarongo ki ngā kaiārahi e mea ana ka pēnei, ka pērā rātou ahakoa he whakapono iti tō rātou ki ā rātou kupu i tēnei wā.
“Ka puta noa iho ngā kōrero whakautu koretake noa iho, horekau he hōhonutanga, horekau he pono, horekau he tika. He mōhio katoa nō rātou. Ā rātou kōrero mua atu o te kautetanga o ngā pōti, tae atu ki te wāhanga, tau mai te wāhanga pōti e rewa atu nei. Mātakitaki nei tātou he rerekē. Kua wareware, kua hakarere ngā koroke nei, ngā kaikōrero ā rātou kōrero o ngā wiki ki mua. Harakau ngā marama, ngā tau, engari nō ngā wiki.”