May 06, 2024
Manahi Te Hiakai Gardiner | Me tiaki tātou i ngā ingoa tūturu o ngā wāhi o Aotearoa
Nā te kuare a tauiwi ki te whakahua ngā ingoa Māori i panoni ai ngā ingoa taone.
Koia te whakatau a te uri o Ngāti Whiti me Ngāti Tāwhirikura a Manahi Te Hiakai Gardiner mō Petone, me tana ingoa tika ko Pito-one.
I tērā tau i puta te kōrero a te Kaunihera o Te Awakairangi kia whakahokia te ingoa tūturu ki tōnā pae, ā kei te wānanga tonu a Ngā Pou Taunaha o Aotearoa mō te take nei.Hei tā Gardiner, e tika ana kia whakahokia te mana ki te taone.
‘Mōkū ake nei, he whakapōrirotanga o tēnei ingoa o Te Pito o Te One. Ēngari, ehara i te mea he mea touhou tēnei āhuatanga te whakapōrirotanga o ngā ingoa o roto anō i tō tātou nei iwi o Te Atiawa, otirā o tō tātou rohe o Taranaki whānui ki Te Whanganui a Tara. Arā, ka titiro ake nei tātou ki tētehi o ngā ingoa pēnei i Hātaitai. Ko te tikanga ia ko Whātaitai kē.’