February 13, 2024
Moko Tepania – “kia arohamai e ngā whānaunga e whawhai ana ahau mō koutou te take”
Ka toru tau pea te roa kia taka mai ai ngā pūtea, me ngā āwhina a te kāwanatanga ki te whakatikatika i ngā rori i Pawarenga me Runaruna nō muri mai i te takahi haere o Huripari Gabrielle i te whenua he kotahi tau ki muri.
Koia te kōrero a te koromatua o te kaunihera o Te Hiku o Te Ika, a Moko Tepania, hei tāna ā ngā marama tata nei ka mōhio te katoa o te takiwā mena ka utu te kāwanatanga i te nama ki te whakatika i ngā rori.
E ai ki a Te Pania, “ā te Hūrae āna ka mōhio mārika pēnā rāini ka tae mai te pūtea āna ka hakamōhio atu ki te iwi e aha ana te aha engari taihoa pea kia kite nē. E tino rikarika ana ahau ki wēnei āhuaranga ki ōku anō whānaunga ka tatari e hia mai nei te roa, ā, ka tariwa i runga i ngā rori mōrearea o te kāinga. Nō reira kāhore e tika ana ēnei momo mahi engari kia aroha mai e ngā whānaunga e whawhai ana ahau mō koutou te take ki wērā atu o ngā kaimhi o te kāwanatanga anō hoki.”