May 01, 2024
Kruze Tangira | Katahi te pakanga ki te whakataetae poitarawhiti ANZ
Ahakoa te pātata o te tukinga poitarawhiti ngaio ki waenga i ngā Northern Mystics me ngā Mainland Tactix, ko te kapa kaha ake i toa.
Koia te kōrero a tō mātou māngai poitarawhiti a Kruze Tangira mō te tukinga pātata i toa i ngā Tactix e 62 ki te 59. Hei tā Tangira, i kaha ake te kapa Tactix i te wehengarua, i reira rātou eke ai.
‘He rawe rawa atu taua pakanga, ko te whakaaro kua toa a te kapa Mystics, hēoi anō, nā te tukinga, nā te koi o te kapa Tactix i te wahanga tuarua koira te take ki taku whakaaro i toa te kapa Tactix. He māmā noaiho mā taua kapa ki te kimi te taha o te porowhita ki te whuia ngā whāingai ki ngā kaikuru uhunga.’