Listen Now: 
Download AudioKei te tino whakahē a Ngāti Kahungunu i ngā huihuinga kua whakaritea e Julian Batchelor e tāmuimui ana e te motu, ko tana kaupapa e ki ana kia mutu te mahi tahi a te kāwanatanga ki ngā Māori, otirā, i tōna tikanga ka tau atu ōna huihuinga ki runga o Ngāti Kahungungu, heoi anō he manako i kore ai.
Hai tā te heamana o te rūnanga o Ngāti Kahungunu hai tā Bayden Barber, ki te haere tonu mai a Julian Batchelor ki roto tonu o mātou o Ngāti Kahungunu kaua e mahi muna haere mai mā mua.
“Haere mai mā te waharoa kaua e haere mai mā te kāuta kaua e haere mā muri rā, mēnā ka haere mai koe ki Ngāti Kahungunu, mēnā ka pīrangi kōrero ki te marea ki te tautohe nei i tēnei kaupapa e waatea ana au”
