April 26, 2024
Wayne Ngata | Koia kei te hunga taiohi e whakanui ana i ngā tūpuna hoia
He mihi nui ki ngā taiohi mō tō rātou whakanui i ngā tūpuna i whawhai ki ngā pakanga o te ao i te rautau ku hipa.
Koia ngā kōrero a te kaumātua o Te Tai Rāwhiti a Wayne Ngata me ōnā whakamāramatanga mō ngā āhuatanga o te Ra Whakamaumahara i te Hononga Ope Katua o Ahitereiria me Aotearoa.
Ko te Kamupene C otirā te Māori Battalion tērā e ngākaunui ana ngā uri o te rāwhiti, ā hei tā Ngata kei reira hoki te hunga rangatahi e ngākaunui ana ki ngā kōrero e pā ana ki ngā tūpuna i whawhai.
Hei tāna anō, ‘me pēnei, nō roto i ngā tau tata nei, tōnā rua tekau, tekau tau pea, kua tino kitea te putanga mai o te tamariki ki te whai i ngā kōrero mō rātou tīpuna otirā te hunga i haere ki te pakanga, i hoki mai, mea anō i mate i reira. Kua tino kitea tērā āhua, tērā putanga o te tamariki me te aha, e kai ngākau ana rātou e hiahia ana rānei, te whai rātou i ngā kōrero.’