December 15, 2022
Nā te kore pōti i ara ai te kaikiri: Glavish
Nā te ngoikore a te iwi Māori o Kaipara ki te pōti i eke ai tētehi kaikiri hei koromatua o te takiwā. Koia nei te kī a Kahurangi Naida Glavish, whai muri i te hikoi porotēhi i a Craig Jepson i tū inanahi nā tana pēhi i te karakia Māori i ngā hui ā-kaunihera.
E ai ki ngā tatauranga, kei te tika pea ana kōrero. Tae noa ki tērā tau, kāore he take o te mōhio nō tēwhea mātāwaka o te tangata ki ngā pōtitanga a-rohe, heoi, i tēnei tau, i whakarewahia ngā wāri Māori, ā, me noho te tangata ki te Rārangi Pōti Māori hei tuku poti.
E ai ki ngā raraunga mō Kaipara me tana kotahi Wāri Māori, e 23 ōrau noa iho te kaute o te hunga pōti, whakarite atu ki te 40 ōrau o ngā kaipōti huri noa i te motu.