March 22, 2024
Tahua Pūtea 2024 | Taihoa ngā hōiho kei te whakarite tonu te rēhi.
Taihoa ngā hōiho e hoa mā, kāore anō kia puta ka ahatia te kāwanatanga ki te whakapau i te pūtea tautoko ki ngā rohe.
Koia te whakahau a te minita take ā-rohe a Shane Jones ki tō mātau hōtaka o Manako, ā, ko ngā rohe tonu ka whiwhinui i te tahua pūtea ā-tau ka kite i ngā hua.
Hei tāna, ka kitea e te marea te māramatanga ki whea whakapau ai ngā pūtea hei te tahua pūtea ka puta i te Mei.
Hei tā Jones, “te wāhanga e hāngai tonu ana ki te tūranga i riro mai i a au ko te $1 piriona tāra me te rua rau miriona kāore anō kia tino oti te kaupapa me pehea rānei wēnā moni e tohaina ai engari hei roto i te pūtea tahua ā-tau ko te whakarite ināea tonu nei ā tērā o wērā moni ka kitea tērā o ngā moni ka whataungia me pehea rānei e tohatoha engari hāngai tonu ki ngā rohe.”