February 16, 2024
Marara Katipa | Tukua ki tai!
Ngaru nui, ngaru roa, ngaru pae ki te rēhi o Hawaiki Nui.
Koia ko tā te Kaiwhakaputa o te hōtaka Va’a Voyagers- Conquering The Hawiki Nui a Marara Katipa i a ia e kapo ana i te tira hoe tāne Pineula ki Tahiti.
Hei tāna, he mīharo katoa ngā mahi o ngā kapa nō Tahiti, ko rātou ngā tino tauira o ngā mahi hoe waka. He 129 kiromita te roa o te haerenga, hei tā Katipa, ka wani kē ngā mahi!
‘Ko tētehi o ngā āhuatanga tino mīharo ki au i a mātou i Tahiti, ko te kite i ngā kaihoe o Tahiti e hoe ana i tērā moana pupuke, me kī anō nei he kēmu. Ngāwari noa ki a rātou ahakoa te nui o ngā ngaru, ahakoa te kaha o te hau, i rongo au i a rātou e hūrō ana, e katakata ana nō reira rere ana te whakamīharo.’