Listen Now: 
November 10, 2023
Ngā Tohu Tāpoi 2023. Ko ngā pakihi Māori kei mua!
Waatea Team
Posted On November 10, 2023
Ina rawa te pakari o ngā pakihi tāpoi Māori o te motu i kite ki ngā tohu Tapoi o Aotearoa me te ekenga a Kohutapu Lodge me Te Pā Tū o Tauhara ki ētahi o ngā tohu matua.
Neke atu i te hautoru o ngā kaitono ki te pō tuku taonga nei, he kaitono pakihi Māori, ā, hei tā te heamana o te poari Tāpoi Māori o te motu, hei tā Dale Stephens, ka rawe ki a ia te kite i te whanake hāere o ngā pakihi Māori.
Hei tāna tonu, ehara i te mea, ko ngā mahi whakangāhau me ngā mahi mātātoa anake ināeanei, engari kē kua nui ake te aronga ki te rongo i te wairua o te whēako, pēnei i te kohi kai me te whakataka hāngī.
Nā te kamupene Tauhara North, e mohiotia nei ko Tamaki Village i mua rā, tētahi tohu aumāngea i wikitoria, mō tā rātou pakari i te wā o te kōwheori. I toa hoki i a rātou te tohu Toroa ā-uta, Toroa ā-tai.
Nā te kamupene o Zealandia me Te Māra a Tāne, te tohu matua i hiki.
RELATED NEWS
