Listen Now: 
Download AudioE rua ngā rā mā ngā kaumātua puta noa i te motu ki te whakangahau i te tangata mā te waiata, arā mā te kapa haka ki te whatarangi o Te Papa Tongarewa i Te Whanganui-ā-Tara ā te marama e tū mai nei.
He ahurei tēnei arā ko Taikura te ingoa, e whakatairanga ana, e whakamana ana anō hoki i ngā mahi kapa haka a ō tātou kaumātua nō ngā tōpito katoa o tēnei whenua taurikura.
E ai ki te kaihautū Māori o Te Papa Tongarewa e ai ki a Arapata Hakiwai he whakamaumahara i tō rātou kuia arā a Puti Mackey tētahi wahanga nui o ‘Taikura’ i tēnei tau.
“Koia nei te pou matua o tēnei kaupapa, tīmata mai nei rāua tahi me Tama Huata nei i te tīmatanga ko tana rironga atu ki tua o te ārae, nō reira he wā whakanui heoi anō he wā whakamaumahara anō mōna”
