May 03, 2023
He whakatau uaua mō Whaitiri
Kāore e kore he whakatau uaua rawa atu te whakatau a Meka Whaitiri ki te whakarere i te Pāti Reipa mō te Pāti Māori. Koia nei te kī a te Minita ā-kāwanatanga o mua a Reipa, a Dover Samuels, whai muri i te whakamanatanga a te Pāti Māori i a Whaitiri hei kaitono mā rātou ki tana tūru o Ikaroa-Rāwhiti i te pōtitanga ā-motu ā te Oketopa.
Hei tā Samuels, i tūtaki ia ki a Whaitiri i a ia e mahi ana i te maru o Parekura Horomia. Nā Whaitiri te tūru i riro mā te pōti paero i te tau 2013 i te matenga o Horomia.
“Mōhio ana ahau a Meka i te wā i a ia e tautoko ana, e mahi ana mō Parekura. E tino kaha ana tana mana, tana whakataha ki te Rōpū Reipa. Nā, tēnā whakawātea mai, kārekau e tino ngāwari ki i ia i roto i tōna nei ngākau ki te whakatau tērā.”