May 31, 2023
Kei te herea Te Pūnaha Tauhokohoko Whiwhinga Waro: Kleskovic
Kei te whakahekehia te nui o ngā pūtea ka kotahi atu ki te mahi ngahere Māori me Te Pūnaha Tauhokohoko Whiwhinga Waro. Koia te kōrero a Te Tumu Ahumahi o Te Rūnanga Nui o Te Aupōuri ki Te Tai Tokerau, a Penetaui Kleskovic.
Hei tāna, nā te tū o te pōti ā-motu i tenei tau, i pēnei ai a Reipa.
Hei tā Kleskovic, he mataku hoki nō te kāwanatanga kei te whakapau pūtea i ngā whenua o rāwāhi, ki te hoko i ngā tāke waro i Aotearoa, mai i te rautaki tauhokohoko warokino.
“E rua pea, e toru kē ngā take, tuatahi kore roa ka tū te whakataunga pōti, he kore nō rātou e hiahia ki te whakahōhā i ngā tāngata mahi ahuwhenua, i ngā kai pāmu. Tuarua, e kore pea rātou e pai ki te nui o ngā moni ka whakawhiwhiwhia ki te tangata mā roto i ēnei mahi he mataku pea nō rātou ko te nuinga o ēnei moni he moni e haere mai ana ki Aotearoa i riro i a mātou nō rāwāhi.”