May 03, 2023
E heke iho ana ngā mahi whakahāwea i te tangata ā-kanohi nei?
Ko te āhua nei e heke iho ana ngā mahi whakahāwea i te tangata ā-kanohi nei i ngā wāhi mahi, i ngā kura anō hoki. Ko te kōrero tēnei a Christina Looker, kaiwhakarite Māori o Te Tumu Hauora Hinengaro, i mua i te Rā Tīhate Māwhero ā te 19 o Mei, ko te kaupapa nei he mea hei wero i ngā kaiwhakaweti.
Hei tā Looker anō, he nui ngā tohu e mea ana e pakari ana ngā mahi a te tangata ki te whakahē i aua mahi whakaweti.
“Ki a ia nei, i a au e mahi ana me ngā tatauranga kua tae mai ki a mātou – he rerekē ki tā te kitenga o te tangata ki runga i te pae āhua, ki runga i te ipurangi – engari ki a au nei kua tino heke tēnei āhuatanga o te whakahāwea i roto i ngā wāhi mahi, i roto i ngā kura hoki, engari kua tino whanake te whakaaro o te tū māia, o te tū pakari, o te tū ki roto i tō ao i a koe e hāereere haere ana i ō haerenga.”