Ko Tiaki Hunia te mangai maori matua hou o Fonterra

Ko Tiaki Hunia te mangai maori matua hou o Fonterra

Kua tohua e Fonterra a Tiaki Hunia no Ngati Awa me Te Aupouri hei Pouhere Maori. E rima tau a Hunia e mahi ana hei toihau tuarua i Te Tumu Paeroa, engari, inaianei ka haere ia ki Fonterra ki te whakatinana me te arahi i taa ratou rautaki Maori.

Kei te anga whakamua a Aotearoa Tuatahi

Ahakoa kaore te hunga papaho e korero pai ana mo Aotearoa Tuatahi, kei te pai nga korero a nga tatauranga torangapu o te wa mo ratou. Koira taa Winston Peters, kaiarahi i te roopu Aotearoa Tuatahi. Kei te huri haere ratou i nga rohe o te motu i tenei wa, a, e ai ki nga tatauranga, kei te taumata o te tekau ma tahi oorau o nga pootitanga ratou e noho ana, he mana ki te tohu i te Kawanatanga.

Noo taatou te wai

Ko te iwi maori ngaa kaitiaki o te wai. Ahakoa ko tehea taha ka tirohia tetehi ki te taonga o te wai. Ehara e tika ana kia whakatau tetehi iwi, tetehi roopu i ngaa whakahaere mo tenei kaupapa nui. Hei taa Rahui Papa mangai o te roopu toorangapuu maori mo Hauraki-Waikato kaore he koorero i koo atu i te kii me whai reo motuhake te maori ki roto i ngaa ahuatanga katoa o te wai, puta noa te motu.

He waapu hou ki te riu o Waikato

Kua tiimata ngaa whakahoutanga ki te wahanga tuatahi o te waapu hou o Ruakura ki Kirikiriroa. Ko te ringa pakihi o Waikato-Tainui te roopu whakahaere matua o te waapu hou nei. Ko te waapu nei kei waenganui i a Tamaki Makaurau me Tauranga Moana he koowhiringa anoo mo ngaa uutanga ka tae mai ka wehe ranei i Aotearoa.

He take nui tenei o te iwi aa o te motu whaanui.

Me aro taatou katoa ki te ao porotiki

He aha te hunga rangatahi Maaori i kore whai whakaaro nui ai ki teenei mea te pooti? Hei taa Lewin Husband, rangatahi Maaori, kaaore te puunaha pooti o te motu e haangai ana ki teenei whakareanga.

He aha te hua o ngaa Kura Hourua?

Kei te whakahee eetahi o ngaa kura maahita i te whakatuuwheratanga o ngaa kura hourua hou. Inanahi raa, puta ai te koorero, he kura hourua hou ka whakatuuwherahia e Ngaati Whakaue, hei te timatanga o te tau 2018, heoi anoo, e aii ki a Alex Le Long, hiamana-a-rohe o te Ohu kaiako o Aotearoa, kaaore ngaa tamariki e piki ki te taumata o angitu i raro i te maru o ngaa kura hourua, ka mutu, he rautaki paaheke toonaa. Ko Aotearoa Tuatahi me Tracey Martin, maangai i ngaa take matauranga, kei te tautoko i eenei whakapae.

Follow us on &

Copyright © 2017, UMA Broadcasting Ltd: www.waateanews.com

RELATED NEWS

Press Release Te Kōhanga National Trust Board Election Results 2021 Rich trove for Maori researcher E rere tonu te puehu