April 29, 2024
Nāhinara | Kei te tika te tono a Te Taraipuinara o Waitangi.
Ahakoa te kore whakaae o tana pāti kia tū te minita take tamariki ki mua i te aroaro o te taraipūnara o Waitangi, kei te whakaae te perehetini o te rōpū Māori o Nāhinara ki te mana o te tono.
Koia te kōrero a Tuwhakairiora Williams ki tō mātou hōtaka o Manako. whai muri i te kaupare a te kōti teitei i te tono a te taraipūnara, kia kōrero te minita mō ngā take e whakakore nei ia i te wāhanga 7AA o te ture Oranga Tamariki.
Hei tā ngā whakaaro o Williams, kei te tika rawa tā rātou tono, kia huaina e te minita āna take ki te kaupapa.
“kei te tika Te Rōpū Whakamana i Te Tiriti o Waitangi hei karanga atu ki te minita [take tamariki] kia tae atu ki mua i te aroaro o te rōpū nei. Kei a ia te mana, kei a ia te whakaaro hōhonu, mngā whakaaro teitei e pā ana ki tēnei kaupapa i te whakakorengia o te mea 7AA o te ture.”