April 17, 2024
Te Aroangi Dillon | Ko ngā taiohi tō tātou āpōpō
He tuitui i ngā hononga whakapapa ki ngā rangatahi o Taranaki tētahi āhuatanga i rangona ki te hui Ka Rewa Te Kohu.
Koia ngā kōrero i puta i te kaiwhakahaere matua o te kaupapa a Te Aorangi Dillon.
I tū te hui ki Te Hāwera, ā ko tōnā whāinga matua kia whakawhānui ake te titiro a ngā taiohi o te rohe ki ngā momo tūranga mahi rerekē.
Hei tā Dillon, i rawe te kaupapa me te aha nā ngā taiohi tonu o Ngāruahine te kaupapa i kōkiri.
‘Tino harikoa rātou te noho rātou ki te taha o a rātou whanaunga, te tūtaki i ā rātou whanaunga mō te wā tuatahi nā ko ngā mahi kei mua i te aroaro i tēnei wā kia hoki mai anō ki ngā kaupapa e tū mai ana me te tūtuki i ngā kaupapa o tā rātou rautaki hoki, kei a rātou tētehi rautaki. Nā reira i tino miharo tātou katoa. Ko ētehi e noho mai nei ki te kāinga, he pai ki te tūtaki atu ki ngā whanaunga hōu.’