April 30, 2024
Koianake Sharples | I tutuki pai te wānanga taiao mō ngā kaiako Māori o Tāmaki Makaurau
Mā te wānanga Mātaiao e pakari ake ai ngā kaiako Māori o Tāmaki Makaurau ki te whakaako i ā rātou tauira.
Hei tā te Kaiwhakahaere i te kaupapa a Koianake Sharples, ehara i te mea he wānanga pukapuka noaiho, he putu atu ki te taiao kia rongo i ngā hihiri a Tamanui Te Rā, i ngā hau a Tāwhirimātea.
E ai ki a Sharples he rautaki tēnei kia tūhono ai ngā kaiako ki te taiao, ā ko te whāinga nui kia whakako rātou i ngā tauira ngā momo pūrākau e hāngai ana ki te taiao.
‘Katahi anō ka timata he momo whakangūngū mā ngā kaiako o ngā Kura Kaupapa, o ngā kura ā iwi rānei. Ahua 10 pea ngā kura o Tāmaki hei whakangūngū, kia puta atu rātou ki te taiao, waenganui o mātou o Tāmaki whānaui. He aha ngā taiao i konei ā maunga nei, rua nei, moana me te mātai i te taiao i noho nei ā mātou tamariki o Tāmaki nei ki reira ka tohua, ka whai ngā tohu, ka mātaitai ao he aha pea ngā pūrākau ka puta ngā whakapapa ka whai pānga ana ki ō mātou tamariki, ki ō mātou iti.’