Listen Now: 
Download AudioI te moutere o Matakana te netipōro me te 8-Ball, i a Ngāti Hangarau te whutupōro. Koia nei ngā hua o Pā Wars i tū ki waenga i ngā hapū e rua i Tauranga i te wīkene kua pahure.
E ai ki a Wairaka Te Kira, kaipāpāhō i Moana FM, he tuatahitanga anō hoki i puta i te wīkene. I pāhotia mataoratia te kēmu whutupōro, arā te William Moulda Gardiner Trophy, e te teihana ki tana whārangi Pukamata. Heoi i te mutunga o te wīkene, ko te whakawhanaungatanga ko te tino toa.
Hei tā Te Kira, “He whakawhanaungatanga, he hokihoki atu ki ērā nō ngā hapū rerekē, ā, ko ētahi o ngā uri nō Ngāti Hangarau, he uri hoki nō te moutere o Matakana, nō reira ko ērā atu he haurua tāngata rātou. He pai hoki te kite atu kei hea rā tā rātou mana tū ai, kei te hapū o Ngāti Hangarau, kei te hapū o te moutere o Matakana rānei. Nō reira koirā tētehi mea mōku, he kite atu i ērā e hokihoki mai ana ki tā rātou ūkaipō hoki.”
RELATED NEWS
