September 26, 2023
Ka rahi ake ngā whare tumatanui mehemea ka kāwanatanga anō a Reipa
Mehemea ka kāwanatanga anō a Reipa whai muri mai i te kōwhringa pōti ā te marama e tū mai nei ka rahi ake ngā whare tumatanui.
Koia te kōrero a te tumuaki o Reipa a Chris Hipkins, hei tāna, ka waihangahia e rātou e ono mano whare tūmatanui, tāpiri ēnā ki ngā kī taurangi hanga whare ā te pāti.
Hei tā Hipkins ko te katoa o aua whare i te wā i tū a Reipa hei kāwanatanga ki te rua te kau mā whitu mano, ā te tau rua mano rua tekau mā whitu.
I puta ēnei kōrero āna ki Te Whanganui-a-Tara, ki te taha o tōna māngai take whare a Megan Woods, hei tāna mā te pēnei e whakamāmā ai i te hunga e tatari mai ana ki te whiwhi whare tumatanui.
E ai ki a Hipkins, kāore anō a Nāhinara kia whakarahi ake i ngā whare tūmatanui i tua atu i te tau rua mano rua tekau mā rima – nā reira ka mate rātou ki te whakapau pūtea nā te kore penapena i aua pūtea kia taurite ki tā rātou kaupapa here.