Listen Now: 
September 26, 2023
Rēhia Rāmeka – Nōna te hōnore i kite ōna kuia i a ia e toa ana ki te taupatupatu
Waatea Team
Posted On September 26, 2023
Download AudioKāore i tū atu i te noho tahi a te taiohi ki ōna kuia o Te Tai Tokerau hei whakarongo i āna kōrero i te whakataetae o Te Kupenga Reo i tū ki Kaitaia.
Koia te kōrero a te kaitoa a Rēhia Rāmeka o Ngāpuhi, e 20 ōna tau, i te tuatahi o tēnei kaupapa hei whakaora i te reo Māori o Te Nōta, waihoki he whaaaro nui nōna i te noho reka ā ngā taiohi ki ā rātou pakeke, ki ā rātou kaumātua anō hoki.
“Ko tāku tino i taua pō ko te kite atu i aku karani i aku whaea Wikitōria Mākiha me Hilda Harawira e ngana ana ki te whakarongo ki aku kōrero. Ki au nei he nui ake tērā mana ki tā te mana o te $1000. Kia kite atu i te reanga o runga i a au e whakarongo ana ki aku kōrero e kata tahi mai ana ki ngā kōrero he mea motuhake ake tērā ka titi ake ki te ngākau mō ake.”
