April 30, 2024
Hinerangi Himiona | He pae tukutuku hōu mō te marae o Parawhenua
E whakawhanake ana ngā uri o Ngāti Hineira, o Ngāti Korohue, o Te Uri Taniwha, me Te Whānau Whero i ngā mahi toi Māori ki tō rātou marae i Te Ahu Ahu i Te Taitokerau.
I te Ramere hura ai ngā pānara tukutuku hōu ki te marae o Parawhenua i tētahi hui ata hāpara. He mahi nā te rōpū Tūmatakāhuki.
Hei tā te māngai o te rōpū hei tā Hinerangi Himiona, ko te hiahia nui kia whakaora i tō rātou marae, mā te whakarauora i ngā mahi toi o roto.
‘Whakaaro mātou, he aha he mahi pai mā mātou ki te whakapakari tō tātou whanaungatanga? I whakaaro, āe he mahi toi pai te whakapai i ngā tukutuku tawhito, i mahia e ō mātou tūpunā i muri i te pakanga i te ao tuarua.’