March 20, 2024
Te Kura Roa | Mō te anamata o te mātauranga Māori
Ko te whakarite i te anamata o te mātauranga Māori te whainga o te kaupapa Te Kura Roa ka tū ki Te Whanganui-a-Tara, hei te wiki e tū mai nei.
He mea whakahaere nā te rōpū kaipūtaiao Māori, kairangahau Māori anō hoki, nā Rauika Māngai, e whakakotahi ai ngā whakaaro o aua hunga kia pēhea e whanake tonu ai te mātauranga Māori
I whai wāhi atu mātou ki tētahi o ngā kaitaki ki te hui ki a Ahorangi Meihana Durie. Anei āna kōrero. “Kia āta wānangahia ngā kaupapa katoa e pā ana ki te mātauranga Māori, otirā, ngā momo kaupapa e pā ana ki te wānanga, me te mohio ake anō rā, he wā tēnei e mōhio ai tātou te iwi Māori he nui ngā werohanga, he nui ngā werohanga a te kāwanatanga ki te tū o te mātauranga Māori i roto i ngā momo pūnaha o te wā nei.”