January 22, 2024
Hemi Kelly | Kia ū tonu tātou
Ki te hiahia kia rere noa tō tātou reo Māori, kia mau, kia ū.
Koia ko tā te mātanga reo Māori, koia ko Hemi Kelly ki tō tātou hōtaka o Manako me tāna akiaki i te hunga kia tū pakari i roto i tō ahurea Māori, kia pakari ko te arero reo Māori anō hoki.
Hei tā Kelly, koirā te rongoā ki ngā hiahia a te kāwanatanga te takahi i te mana o Te Tiriti o Waitangi, koia hoki te wāhi ka tutuki te whāinga a ngā tūpuna kia ora tō tātou reo Māori ahakoa ki hea ahakoa ko wai.
Hei tā Kelly anō, ‘me ū, me ū tonu tātou ki ngā mahi kei mua i a tātou, ngā mahi kua whakaritea kētia. Ngā kaupapa e tū nei, e kore hoki e taea te karaka te takahuri whakamuri, nā kua timata kē ngā mahi, ana, nā reira ko tā tātou he tohe tonu, he ū tonu ki te whakatinana i ngā wawata me ngā tūmanako a ngā kuia, ngā koroua mō te ora ō tō tātou reo.