April 29, 2024
Ngahiwi Apanui | Me mihia ngā wāhine ka tika
He wahine, he whenua, he oranga tāngata.
Ku tohua e ngā mareikura o te ao Māori ki te tohu whakaharahara nui o ngā Tohu Reo Māori nā Te Taura Whiti i Te Reo Māori.
Hei tā Ngahiwi Apanui, ka tika rā kia kōwhiria ngā tokotoru a Kuini Moehau Reedy nō Te Tai Rāwhiti, a Kahurangi Rangimārie Naida Glavish nō Ngāti Whātua rātou ko Tini Molyneux nō Ngāi Tūhoe.
‘Ko te tokomaha o te tangata i whakawhiwhia ki te tohu i roto i ngā tau nei, ko te tāne. Nā reira i whakaaro te tīma, pēhea ngā wāhine? Ko ngā wāhine te hunga kāhore he kore, ko te wahine tonu te mea kaha ki te kōkiri, ki te whakarauora i tō tātou reo. Ahakoa ka tiro koe ki whea, i roto i ngā kōhanga, ki roto i ngā kura, i ngā tari kāwanatanga ki whea ake rānei, ka kite koe ko te wahine kei reira e kōrero Māori ana.’