March 13, 2024
Eru Kapa-Kīngi | He pāremata Māori anō he aha rānei?
Whāia ngā tapuwae ā ō koutou tūpuna e ea ai ō moemoeā mō te iwi Māori.
Koia te whakaaro o tētahi o ngā kaikauwhau ki te hui ā motu ka tū ki Kahungangu ā te Mei.
Hei tā Eru Kapa-Kīngi koia te āhua e hiahia ana ia kia whāia e te ao Māori, e kite ai tō tātou tino rangatiratanga mā te whakarite pāremata Māori.
Hei tāna tonu, ahakoa he whakaritenga te pāremata Māori nā ngā tūpuna e tika ana kia āta wānanga i ōna mata katoa i mua i tōna waihanga anō.
Hei tā Kapa-Kīngi anō, “ehara i te mea he kaupapa hōu erangi whāia te tauira kua takoto kē, ā, rapuhia hoki ōna puaretanga ōna ngoikoretanga, whakapakarihia wēnā. Māku hoki hei titiro ko tētahi pea o ngā ngoikoretanga hei whakapakari mā tātau ko te whai kia kō atu i te kupu kotahitanga i te mea e rere ana tērā kupu i te wā nei erangi hakoa te kī ā te māngai me kotahi te iwi Māori kei konā tonu ētahi kei muri e mahi ana i ētahi te mahi hakawehewehe.”